ठाणे :- रस्ते सुरक्षा मोहिमेअंतर्गत ठाणे वाहतूक पोलीसांनी आयोजीत केलेल्या रक्तदान शिबिरात १०० वाहतूक पोलिस आणि रिक्षाचालकांसह ११० जणांनी रक्तदान केले. वाहतूक शाखेतील पोलिस कर्मचारी तसेच, पालिका आणि टीएमटीच्या सेवेतील सुमारे १३३ जणांची डोळे आणि कानांची (ओडिओमेट्री) तपासणीसुद्धा यावेळी करण्यात आली.
नेत्र तपासणी केलेल्या १३३ वाहन चालकांपैकी ९९ जणांना नेत्र विकारांनी ग्रासल्याचे या तपासणीत निष्पन्न झाले आहे. १८ जणांना अँलर्जी, ११ जणांना मोतीबिंदू तर, ६ जणांना रँटीनाचे आजार आढळले आहेत. तीन हात नाका येथील वाहतूक पोलीस उपायुक्त कार्यालयात संपन्न झालेल्या या शिबिराचे उद्घाटन ठाण्याचे पोलीस आयुक्त श्री. विवेक फणसळकर यांच्या हस्ते झाले. सह आयुक्त श्री. सुरेश मेखला, वाहतूक शाखेचे उपायुक्त श्री. बाळासाहेब पाटील आदी मान्यवर यावेळी उपस्थित होते. सडक सुरक्षा जीवन रक्षा या अभियानाअंतर्गत होणा-या शिबिरांसाठी इंडियन मेडिकल असोसिएशन आणि आधार फाउंडेशनचे सहकार्य लाभले होते. या शिबिरात उपस्थितांना मास्क वाटपही करण्यात आले.
